సామాన్యుని ఆవేదన

స్వార్థ చింతన లేక సంక్షేమమును కోరు
త్యాగ ధనులను కన్న ధాత్రి మనది
రాజ్య కాంక్షయు లేని రఘు కులోత్తముడు శ్రీ
రామచంద్రుని కన్న రత్న గర్భ
సుఖ భోగముల రోసి అఖిలంబు విడచిన
సిద్ధార్థు కన్నట్టి సింధు నేమి
పరదేశ వాసుల భరతంబు పట్టిన
జాతి పితను కన్న జన్మ భూమి

తే.గీ    

 కవిని సమ్రాట్టు చేసిన కల్పవల్లి
 కళల కాణాచి ఈ తల్లి కర్మ భూమి
ధన్యుడైతిని తల్లి ఈ  ధరణి పుట్టి
భారమనుకోకు  నను మోయ భరత మాత

-- గ.వెం.సు